Estonia Russiam accusat
: Nuntii Latini

04.05.2007, klo 10.44

His diebus contra paginas interretiarias regiminis Estoniae facti sunt ictus, quibus fit, ut accessus in eas sit difficilis.

Rein Lang, minister iustitiae Estoniae, rettulit investigationes interretiarii protocolli (IP) ostendisse illos ictus ex institutis statalibus Moscuensibus venisse.

"Ex his patet," ait Lang, "esse Moscuae potestates politicas, quae omnem rationem amiserint."