De frigore hiemali in Finnia
: Nuntii Latini

09.02.2007, klo 11.07

Inde a primis diebus mensis Februarii Finnia tantis frigoribus hiemalibus vexatur, ut temperatura non solum in Lapponia, sed etiam in regionibus mediae Finniae ad quadraginta fere gradus infra zerum descenderit.

Quantam vim hoc tempus gelidissimum ad vitam cotidianam habuerit, vel inde apparet, quod consumptio electricitatis ad summum fastigium evecta est.

Praeterea commeatus publicus claudicavit, cum nonnumquam accidit, ut tramina propter vitia technica ex gelu exorta ad metam hora constituta non pervenirent.