From YLE:

De sarcinis manualibus statutum
27.10.2006, klo 11.33

Commissio Europaea de sarcinis manualibus, quas viatoribus aeroplanorum secum habere licet, statutum dedit.

Novae limitationes ad id spectant, ut pericula ex liquidis materiis displosivis imminentia praecaveantur.

Illud statutum, quod inde a mense Novembri valebit, latices per portas inspectionis transportare vetat.

Maxima quantitas eiusdem materiae liquidae, quae viatori permittitur, est unum decilitrum. Statutum pertinet ad omnes avolationes, quae ex aeriportibus Unionis Europaeae fiunt, quodvis sit destinatum itineris.

Commissio censet ita fieri posse, ut securitas viatorum in omnibus Unionis Europaeae partibus par sit.

Tuomo Pekkanen
Nuntii Latini, Finnish Broadcasting Company (YLE)
(used with permission)

For more news in Latin, here's the latest headline from Ephemeris: Photographemata militum Germanorum horrorem movere