ALF Romam convenit
21.04.2006

Academia Latinitati Fovendae (ALF) in urbe Roma hodie sessionem annuam habet, in qua duo novi sodales, Vibeca Roggen ex Norvegia et Reijo Pitkäranta ex Finnia, inter academicos cooptantur.

Acroasim ?De Latii idea? habet professor Heikki Solin. Praeterea de XI Conventu internationali Academiae agitur.

Conventus ille in duabus urbibus Hispaniae, Alcannizii in Aragonia et Ampostae in Catalonia, mense Iulio habebitur. Argumentum praecipuum erit activa linguae Latinae institutio.

Constat enim linguae usum vivum, qui colloquiis habendis, operibus legendis opusculisque scribendis exercetur, esse viam omnium efficacissimam, qua sermo sive antiquus sive recentior doceatur. (Vide nexum: ALF Conventus XI)