De energia pneumatica Suetiae
17.03.2006

Regimen Suetiae ad energiam pneumaticam valde augendam paratum est, cum pecuniam amplius quinque miliardorum euronum in hoc consilio perficiendo collocare decrevit.

Propositum enim est, ut copia electricitatis ex energia pneumatica ortae in Suetia ad annum bis millesimum quintum decimum (2015) decemplex redderetur.

Hoc inceptum etiam eo civibus Suetis prodest, quod eis magnum numerum novorum operandi locorum praebet.