Superficies marium altior facta
03.02.2006

Superficies marium orbis terrarum decenniis proxime praeteritis celerius quam ante altiores factae sunt, ut investigatores Australiani animadverterunt.

In causa huius rei videtur esse status caeli mutatus, quo factum est, ut glaciaria paulatim liquescerent et aqua marina calidior facta amplificaretur.

Si auctus maris pari celeritate continuabitur, metuendum est, ne civitates insulares et litora demissiora solito vehementioribus inundationibus et maiore erosione afficiantur.

Reijo Pitkäranta
Nuntii Latini, Finnish Broadcasting Company (YLE)
(used with permission)

... and if you want a taste of news in Classical Greek, here's Akropolis World News' latest headline: Greek scientists say typhoid fever killed Pericles - Battle in Amona.