Novum lexicon Latinum editum
20.01.2006
Die Iovis in urbe Helsinki novum dictionarium Latinum, cui nomen ?Lexicon hodiernae Latinitatis Finno-Latino-Finnicum?, palam factum est.
Hunc librum sumptu Societatis Litterarum Finnicarum editum composuerunt Tuomo Pekkanen et Reijo Pitkäranta.
Prima glossarii parte continentur amplius decem milia vocum in sermone moderno Finnico obviarum cum interpretamentis earum Latinis.
In secunda autem voluminis parte haec eadem vocabula ordine verso exhibentur. Huc accedit index nominum geographicorum maximi momenti.
Reijo Pitkäranta
Nuntii Latini, Finnish Broadcasting Company (YLE)
(used with permission)
For more news in Latin, be sure to check out Ephemeris ... latest headline: Osama bin Laden novas caedes praenuntiare