Nuntii Latini
Mensis Aprilis mitis et siccus (13.05.2005, klo 09.26)

Mensis Aprilis in Finnia hoc anno uno duobusve gradibus Celsianis mitior erat quam fieri solet, ut ex Instituto meteorologico nuntiatur.

Temperatura enim media in Finnia inter occasum solis et meridiem sita amplius quattuor graduum erat, cum thermometrum in Lapponia septentrionali circa zerum fere remaneret. Idem mensis etiam solito siccior repertus est copia pluviarum nonnisi decem aut summum viginti millimetra efficiente.

Reijo Pitkäranta
Nuntii Latini, Finnish Broadcasting Company (YLE)
(used with permission)
Posted by david meadows on May-13-05 at 5:17 AM
Drop me a line to comment on this post!
Comments (which might be edited) will be appended to the original post as soon as possible with appropriate attribution.