Photographema exoplanetae (06.05.2005, klo 09.31)
Astronomis primum contigit, ut quandam exoplanetam, sive stellam extra nostrum systema solare errantem, photographice imprimerent.
Quam rem gestam eo pluris aestimaveris, quod priores observationes astrorum huius generis nonnisi in computationibus ex luce et gravitate confectis positae erant. Stella recens deprehensa in signo caeli Hydra occurrit et a Tellure spatio amplius ducentorum annorum luce emensorum abest. Nuntiatur quinques tanto maior esse quam Iuppiter, planeta in nostro systemate solari omnium maxima.
Reijo Pitkäranta
Nuntii Latini, Finnish Broadcasting Company (YLE)
(used with permission)
Astronomis primum contigit, ut quandam exoplanetam, sive stellam extra nostrum systema solare errantem, photographice imprimerent.
Quam rem gestam eo pluris aestimaveris, quod priores observationes astrorum huius generis nonnisi in computationibus ex luce et gravitate confectis positae erant. Stella recens deprehensa in signo caeli Hydra occurrit et a Tellure spatio amplius ducentorum annorum luce emensorum abest. Nuntiatur quinques tanto maior esse quam Iuppiter, planeta in nostro systemate solari omnium maxima.
Reijo Pitkäranta
Nuntii Latini, Finnish Broadcasting Company (YLE)
(used with permission)