Novus papa electus (22.04.2005, klo 11.23)
"Nuntio vobis gaudium magnum: habemus papam." Haec locutio Latina traditionalis die Martis (19.4.) sub vesperum e maeniano Basilicae Sancti Petri audita est cum ingenti exsultatione centum fere milium hominum in plateam Petrinam congregatorum.
Pronuntiatio venit dimidia fere hora post, quam ad signum suffragii papalis feliciter peracti e fornace Cappellae Sixtinae fumus albus sublime latus erat et campanae Basilicae sonare coeperant.
Novus pontifex maximus, ordine ducentesimus quinquagesimus sextus, electus est Iosephus Ratzinger, vir Germanus duodeoctoginta annos natus, qui inde ab anno bismillesimo secundo (2002) officium decani collegii cardinalium curaverat. Nomen, quod novus papa sibi imponi voluit, est Benedictus XVI.
Reijo Pitkäranta
Nuntii Latini, Finnish Broadcasting Company (YLE)
(used with permission)
"Nuntio vobis gaudium magnum: habemus papam." Haec locutio Latina traditionalis die Martis (19.4.) sub vesperum e maeniano Basilicae Sancti Petri audita est cum ingenti exsultatione centum fere milium hominum in plateam Petrinam congregatorum.
Pronuntiatio venit dimidia fere hora post, quam ad signum suffragii papalis feliciter peracti e fornace Cappellae Sixtinae fumus albus sublime latus erat et campanae Basilicae sonare coeperant.
Novus pontifex maximus, ordine ducentesimus quinquagesimus sextus, electus est Iosephus Ratzinger, vir Germanus duodeoctoginta annos natus, qui inde ab anno bismillesimo secundo (2002) officium decani collegii cardinalium curaverat. Nomen, quod novus papa sibi imponi voluit, est Benedictus XVI.
Reijo Pitkäranta
Nuntii Latini, Finnish Broadcasting Company (YLE)
(used with permission)